Esisten versiones contradictories alrodiu de les creencies relixoses d'Adolf Hitler, la so opinión sobre la relixón, y los sos venceyos cola Ilesia. De cutiu, esta tema foi oxetu d'alderique históricu ente biógrafos y discutiniu por cuenta de les inconsistencies, incongruencies y discrepancies ente discursos públicos de Hitler y les sos declaraciones privaes.
Múltiples historiadores concuerden en que Hitler reflexaba una imaxe pública que nun taba en contra de la relixón, pero qu'en realidá, inclusive antes de la llegada de los nazis al poder, paecía tener un plan tapáu que buscaría acabar primero col xudaísmu, y darréu col cristianismu nel Reich, reemplazando estes relixones col nacional socialismu; esto per mediu del control y la subversión total de les ilesies alemanes al términu de la guerra.[1][2][3].
Griffin, RogerFascism's relation to religion en Blamires, Cyprian, World fascism: a historical encyclopedia, Volume 1, p. 10, ABC-CLIO, 2006: "Nun hai dulda de que los líderes nazis al llargu plazu, como Hitler y Himmler pretendíen erradicar el cristianismu tan despiadadamente como cualesquier otra ideoloxía rival, anque al curtiu plazu teníen que contentase a faer concesiones con ella".
Shirer, William L., Rise and Fall of the Third Reich: A History of Nazi Germany, p. p 240, Simon & Schuster, 1990: “Y pocos detuviéronse a cavilgar que, sol lideralgu de Rosenberg, Bormann y Himmler, quien yeren sofitaos por Hitler, el réxime nazi intentaba finalmente destruyir el cristianismu n'Alemaña, de ser posible, y substituirlo pol antiguu paganismu de los primeros dioses xermánicos tribales y el nuevu paganismu de los estremistes nazis”.
Fischel, Jack R., Historical Dictionary of the Holocaust, p. 123, Scarecrow Press, 2010: “L'oxetivu yera yá sía destruyir el cristianismu y restaurar los dioses alemanes de l'antigüedá o tresformar [la idea de] Jesús nun ariu”.
Dill, Marshall, Germany: a modern history, p. 365, University of Michigan Press, 1970: “Tal paez, nun ye esaxeráu aportunar en que'l mayor desafíu que los nazis tuvieron qu'enfrentar foi'l so esfuerciu pa erradicar el cristianismu n'Alemaña, o siquier p'apoderalo a la so concepción xeneral del mundu”.
↑Bendersky, Joseph W., A concise history of Nazi Germany, p. 147, Rowman & Littlefield, 2007: “Poro, l'oxetivu de Hitler al llargu plazu yera esaniciar les ilesies una vegada que consolidara'l so control sobre'l so imperiu européu”.
↑Steven Merritt Miner (2003), "Stalin's Holy War: Religion, Nationalism, and Alliance Politics, 1941-1945", University of North Carolina Press